JOAQUÍN ARAÚJO eta ANTONIO FRAGUAS “FORGES”: “Zerua gure buruen gainera erortzen ari al da?”

Naturaldia jardunaldiei amaiera emateko Joaquín Araújo eta Antonio Fraguas idazleek bisitatu zuten Topic-eko aretoa, eta galdera bat planteatu: “Zerua gure buruen gainera erortzen ari al da?” Joaquín Araújo idazle eta naturalista hasi zen hitzaldiarekin, eta bere hitzen arabera erantzuna baiezkoa da. Baliabide naturalak hain modu basatian esplotatzean “airea berun bihurtzen ari da”.

Aretoaren airea bere horretan mantendu zen, baina hitzaldiak aurrera egin ahala, prozesu horretan gizakiak jokatzen duen papera aztertzean, bati baino gehiagori arnastea gero eta zailagoa egingo zitzaion, ziur aski. Gizakiaren etika zalantzan jartzean, Antonio Fraguas “Forges” marrazkilariak umore kutsu bat eman zion gaiari bere marrazkiekin (“Codicia” jauna Amazonaseko ogitarteko bat jaten, adibidez).

Moralaren gainbehera eta pertsonak ere merkantzia bilakatzeak dekadentzia ekologiko horren arrazoiak direla esanez gogorarazi zuen Araújok gizakiaren duintasuna ahazten badugu, ondasun guztiak lortu nahian ezer gabe geldituko garela